Ruby
Ruby бол объект хандалтат script програмчлалын хэл юм. Python, PHP, JavaScript зэрэгтэй адил, шууд эх кодноосоо синхрон хөрвүүлэлт хийдэг учир хөгжүүлэлт хийхэд маш хурдацтай байдаг. Өөрөөр хэлбэл эх кодыг бүхлээр нь хөрвүүлж, бүхэлдээ ажиллах (executable) програм тусад нь үүсгэдэггүй ба кодонд нь засвар оруулсан л бол үр дүнг шууд харах боломжтой. Энэ утгаараа desktop application бус web application чиглэлд илүү ашиглагддаг.
Суулгах
- Хэрвээ танд Debian/Ubuntu Linux байдаг бол
# apt-get install ruby
- Windows болон Mac зэрэг бусад үйлдлийн системүүдэд зориулан http://www.ruby-lang.org/en/downloads/ хаягаас татаж аваад суулгана уу?
Ruby-д Hello world! гэж хэлцгээе
- Техт засварлагчаа нээгээд (gEdit, notepad etc.) доорх мөрийг бичээд hello.rb гэж хадаглана уу:
puts 'Hello world!'
- Хэрвээ та Ruby суулгасан бол дараах тушаалыг командын мөрөөс өгөхөд ажиллана
$ ruby hello.rb
ингээд дэлгэцэн дээр доорх үр дүн ажиглагдана
Hello world!
хэрвээ та анзаарсан бол энэ нь C/C++ юм уу Java хэл шиг хөрвүүлээд, түүний үр дүнд үүссэн ажиллах програмыг ажиллуулж үр дүнг харахгүй байгааг анзаарч байгаа байх. Шууд л файлаа заагаад л үр дүнг харна, ямар ч ажиллах програм, илүү дутуу зүйлгүй.
- Бас нэг сонирхолтой туршиж сонжих арга бол http://tryruby.org/ сайтлуу ороод онлайн терминал дээр зааврыг дагаж хийх юм. Удахгүй та энэ хэлд үхтлээ дурлана гэж амлъя, учир нь энэ яг л Python шиг.
Ruby Яаж Харагддаг вэ?
- Хэрэв та Python болон бусад хэлтэй ажиллаж байсан туршлагтай програмист бол доорх код дөртэй харагдаж байгаа буйзаа. Зарим хэсэг шинэ байж болох. Terminal дээрээ:
$ irb
irb(main):001:0> "What does Ruby syntax look like?" .reverse
=> "?ekil kool xatnys ybuR seod tahW"
irb(main):002:0> 8 * 5
=> 40
irb(main):003:0> 3.times { puts "cheer!" }
cheer!
cheer!
cheer!
=> 3
irb(main):004:0> %w(one two three).each { |word| puts word.upcase }
ONE
TWO
THREE
=> ["one", "two", "three"]
irb(main):005:0> exit
Үүх түүх
Ruby бол 1990 оны эхээр Мацүмото Юкихиро зохион бүтээсэн нээлттэй эхтэй, объект хандалтат скрипт хэл юм. Ruby хэл програмчлалыг уян хатан, совинтой болгосоноор бид хүн машинд ойлгомжтой код бичих боломжтой болж байна. Мацүмото Ruby програмчлалын хэл нь хүмүүст багахан ч болов оюун ухаанаа ашиглах боломжийг олгоно гэдгийг урьдчилан харсан, энэ нь ч Ruby програмистуудын хувьд аз жаргалтай програмистууд гэдгээр нь харагдаж байгаа билээ.
