Тусламж:Шинэ хуудас яаж үүсгэх вэ?
 |
Энэхүү хуудас нь Дусал нэвтэрхий толийн Тусламжийн хуудас болно. Уг хуудсанд нэмэх шаардлагатай, орхигдсон зүйлс байвал, Та нэмж болно. Эсвэл саналаа Хэлэлцүүлэг хуудас дээр үлдээнэ үү. |
Дусал нэвтэрхий толь нь чөлөөт агуулгатай, бидний сайн дурын оролцоотойгоор баяжих нэвтэрхий толь юм. Та энэ нэвтэрхий толины нэг зохиогч нь болж болно.
Шинэ хуудас үүсгэх
Таны хайсан өгүүллэг энд алга байна уу? Тэгвэл та хэрэглэгчийн бүртгэл үүсгээд Дусал нэвтэрхий тольд шинэ өгүүлэл оруулж болно. Та өөрийн зав, боломжийнхоо хэрээр мэдээлэл оруулаарай. Харин өгүүллээ бүрэн бус гэж бодож байвал өгүүллийнхээ төгсгөлд {{stub}} үүнийг хуулаад тавьчихаарай.
Улаан өнгөтэй холбоос байвал тэр хуудас байхгүй гэсэн үг бөгөөд та шинээр үүсгэж эхлүүлэх боломжтой юм. Улаан холбоос дээр дарахад гарч ирэх "...-д засвар хийж байна." гарчигтай "хайрцаг"-т Та бичлэгээ оруулна. Гарааны тусламж хэрэгтэй бол эндээс хараарай.
Шинэ хуудас (шинэ сэдэв бүхий өгүүлэл) үүсгэхийн тулд "Хайлт" цонхонд гарчгаа бичээд "Явах" товчийг дарна уу.
- Хэрэв Таны бичсэнтэй ижил гарчигтай өгүүлэл байхгүй бол, хайлтын үр дүнг харуулж буй хуудасны дээд талд жижиг шрифтээр "Та ... гэж хайлаа" гэсэн бичиг гарна. " ... " цэгийн оронд таны бичсэн гарчиг улаан өнгөтэй харагдах ба Та уг улаан линк дээр дарж шинэ хуудас үүсгэнэ. Уг шинэ хуудас нь "...-д засвар хийж байна." гэсэн гарчигтай байна.
- Мөн ""..." гэсэн гарчиг бүхий хуудас байхгүй байна. Та энэ хуудсыг үүсгэж чадна." гэсэн бичиг "Хайх" мөрийн доор гарна. Та уг "энэ хуудсыг үүсгэж чадна" гэсэн улаан линк дээр дарж шинэ хуудас үүсгэнэ. Уг шинэ хуудас нь "...-д засвар хийж байна." гэсэн гарчигтай байна.
Дээрх 2 аргаар та шинэ хуудас (шинэ сэдэв бүхий өгүүлэл) эхлүүлж болно.
Оруулахдаа хэрхэн яаж хэлбэрт оруулах талаар Засвар хийх тухай тусламж хуудаснаас мэдээлэл аваарай.
- Аливаа өгүүллийн гарчиг нь олон тоон дээр биш ганц тоон дээр байх ёстой гэдгийг битгий мартаарай. Мөн Гарчигны эхний үсэг томоор байх хэрэгтэй. Хэрэв гарчгны хоёр дахь үг нь оноосон нэр бол мөн томоор байна. Бусад тохиолдолд гарчигны хоёр, гурав дахь үгнүүд бүгд жижиг үсгээр бичигдэх ёстой. Энэ нь сүүлд, бусад хүмүүс тухайн өгүүллийг хайх, олоход хялбар байх болно. Жишээлбэл, "Хүүхдүүд" биш "Хүүхэд", "Хөвсгөл Аймаг" биш "Хөвсгөл аймаг" гэх мэтээр.
- Шинэ өгүүллийн гарчиг нь текстийн эхний өгүүлбэрт байгаа бол түүнийг тодруулах нь зүйтэй. Жишээлбэл, "Хими" гэсэн гарчигтай өгүүллийн эхний өгүүлбэрийг доорх байдлаар, "Хими нь алив юмсын найрлага, бүтэц, тэдгээрийн харилцан үйлчлэл..." гэж бичнэ.
Өгүүллээ бичиж, засаж дууссаныхаа дараа бичсэн зүйлээ "Урьдчилан харах" товчийг дарж, хянана. Хэрэв алдаа байхгүй бол "Хуудсыг хадгалах" товчийг дарж, хадгалахаа мартав аа.
Нэмэлт мэдээлэл оруулах
Дусал нэвтэрхий тольд одоогийн байдлаар 73 өгүүлэл байгаа бөгөөд та эдгээрийг баяжуулж, хуучирсан мэдээллийг шинэчилж, хянаж болно.
- Үүний тулд текстийн хамгийн дээд талд, зүүн гар талаасаа 3 дахь "Засварлах" товчийг ашиглана. Уг товчийг дарахад өгүүлэл бичиж, засаж болох "текст хайрцаг" гарч ирнэ. Тэнд өгүүллээ бичиж, засаж дууссаныхаа дараа бичсэн зүйлээ "Урьдчилан харах" товчийг дарж, хянана. Хэрэв алдаа байхгүй бол "Хуудсыг хадгалах" товчийг дарж, хадгална.
